««រនោចខែភ្លឺ គោះជួងលែងលឺ អំពៅអត់ថ្នាំង»»

0

ប្រធាន​មន្ទីរ​​សាធារណ​​​ការ និង​​ដឹក​​ជញ្ជូន​​ខេត្ត​​រតនគីរី សង់​ផ្ទះ​លើ​ចំណី​ផ្លូវ​​ រស់​​នៅ​​យ៉ាង​​សប្បាយ​ សាលា​ក្រុុង​​ស្ងាត់​មាត់

សំណង់អគារ​លក្ខណៈ​ជា​​ផ្ទះល្វែងដ័ធំស្កឹម​ស្កៃមួយ​កន្លែង​កំពុង​តែឈរ​បង្អួត​រាង​ដល់​ក្រសែ​ភ្នែក​ប្រជាពលរដ្ឋ ដែល​បាន​ធ្វើ​ដំ ណើរ​​ឆ្លងកាត់​នៅ​ទីនោះ ដោយ​អ្នក​ខ្លះកោត​សរសើរថា ជាអគារដ៏រឹងមាំ ហើយអ្នកខ្លះទៀតធ្វើការ វិភាគថា តើសំណង់អគារ​មួយនេះសាលាក្រុងបានចេញច្បាប់អនុញ្ញាតឱ្យសាងសង់ឬមួយយ៉ាងណា ?

ជាក់ស្តែងសំណង់អគារដែលបានឈរបង្អួតរាងដល់ភ្នែកមហាជនអស់ពេលជាច្រើនឆ្នាំមកហើយនោះ ពិតជាគ្មានច្បាប់ អនុញ្ញាត ឱ្យសាងសង់នោះទេ ព្រោះបើវិភាគពិនិត្យមើលទីតាំងនេះ ជាដីរបស់មួយចំណែកជាដីចំណី ថ្នល់ទាំងស្រុង រឿងអី បានជាម្ចាស់ សំណង់ហ៊ានមកសាងសង់ទាំងបំពានបែបនេះ ។

ម្ចាស់សំណង់ដែលសាងសង់លើដីចំណីផ្លូវមានឈ្មោះថា សូ សំណាង ជាប្រធានមន្ទីរសាធារណការ និងដឹកជញ្ជូនខេត្តរតនគីរី បានមកសាងសង់លើរំលោភចំណីផ្លូវ ហើយរស់នៅយ៉ាងត្រជាក់ចិត្តដោយឥតមានកម្លាំង ស្ថាប័នពាក់ព័ន្ធណាមួយមកសួរនាំ ឬទប់ស្កាត់នោះឡើយ ។

សំណង់អគារលក្ខណៈផ្ទះល្វែងដ៏ធំមួយនេះ មានទីតាំងស្ថិតនៅក្នុងសង្កាត់ឡាបានសៀក ក្រុងបានលុង ខេត្តរតនគីរី ដែលជា កម្មសិទ្ធិរបស់ម្ចាស់ឈ្មោះ សូ សំណាង មានតំណែងជាប្រធានមន្ទីរសាធារណការ និងដឹកជញ្ជូន ។

ដោយសំអាងខ្លួនមានតួនាទី  និងឋានៈ បុណ្យស័ក្តិធំដែរ ពិសេសជាប្រធានមន្ទីរសាធារណការ និងដឹកជញ្ជូនទៀតនោះ ទើប ទៅសាងសង់ផ្ទះនៅលើចំណីថ្នល់ ដែលជាផ្លូវសាធារណៈ ទោះបីជាដឹងថា វាខុសនឹងច្បាប់ក៏ដោយ ។

តាមសំដីប្រជាពលរដ្ឋដែលរស់នៅម្តុំនោះ សុំមិនបញ្ចោញឈ្មោះបានប្រាប់ឱ្យដឹងថា អគារមួយកន្លែងនេះ គឺពិតជាសាងសង់ នៅលើចំណីថ្នល់មែន ហើយម្ចាស់សំណង់ចេះតែហ៊ានសាងសង់ទៀត ដោយឥតញញើត និងច្បាប់បន្តិចសោះ ។ គាត់ក៏បាន បញ្ជាក់បន្ថែមទៀតថា ធម្មតាបើសិនជាប្រជាពលរដ្ឋសាមញ្ញ គ្មានបុណ្យស័ក្តិ គ្មានខ្សែរយៈ និងខ្នងបង្អែកនោះ ពិតជាមិនហ៊ាន មកសាងសង់នៅលើដីចំណីថ្នល់នេះទេ ។

ដូច្នេះម្ចាស់សំណង់មួយនេះ ប្រហែលជាមនុស្សមិនធម្មតាឡើយ ទើបក្រុមគ្រួសាររបស់គាត់អាចរស់ នៅបានដោយ សុខស្រួល បែបនេះ ។ ចំពោះសំណង់ដែលសាងសង់គ្មានច្បាប់នេះ ភ្នាក់សារព័ត៌មានយើងបានចុះសាកសួរដល់ទីតាំងផ្ទាល់ដើម្បីឱ្យម្ចាស់ សំណង់ធ្វើការបកស្រាយបំភ្លឺក្នុងរឿងនេះ ក៏ត្រូវម្ចាស់សំណង់បានឆ្លើយប្រាប់ដល់ភ្នាក់ងារយ៉ាងខ្លីថា “ចាំសាលាក្រុងវ៉ៃចោល ថ្ងៃណាវ៉ៃថ្ងៃហ្នឹងទៅ” ។ ចំណែកឯមន្ត្រីយាមច្រកទ្វារសាលាក្រុងក៏បានទូរស័ព្ទសាកសួរដល់ម្ចាស់សំណង់ផងដែរ ហើយ ត្រូវគេឆ្លីយថា “ពិតជាគ្មានច្បាប់មែន” ។

ដូច្នេះតាមការអះអាងរបស់ម្ចាស់សំណំង់ រឿងហេតុអ្វីបានជាសាលាក្រុង បណ្តែតបណ្តោយឱ្យសំណង់ខុស ច្បាប់មួយនេះ នៅ តែបន្តបង្អួតរាងដល់ភ្នែកមហាជនតទៅទៀតនោះ ។ ឬក៏អាជ្ញាធររួមនឹងស្ថាប័នដែលពាក់ព័ន្ធត្រូវដង ត្រូវផ្លែគ្នា ទើបចេះតែ ស្ងាត់ៗ មិនអើពើ ទោះបីដឹងថា វាខុសនឹងច្បាប់ទាំងស្រុងក៏ដោយ ៕

apk2014_01_24d

Filed in: ព័ត៌មានជាតិ, ព័ត៌មានតាមដានសង្គម, ព័ត៌មានសំខាន់ៗ

Recent Posts

Bookmark and Promote!

Leave a Reply

Submit Comment

© 2019 អព្យាក្រឹត | Apyeakroet. All rights reserved. XHTML / CSS Valid.